Мырзабек Жыпаркулов Кыргыз Республикасынын Министрлер Кабинетинин алдындагы Архитектура, курулуш жана турак-жай-коммуналдык чарба мамлекеттик агенттигине караштуу Шаар куруу жана архитектура боюнча мамлекеттик долбоорлоо институтунун жумушу менен күтүүсүз барып таанышты.
Мырзабек Жыпаркулович Өкмөттүн тапшырмасына ылайык түзүлгөн Ош шаарынын борбордук аймагын деталдык пландоо долбоору менен кенен таанышып чыгып, кызматкерлерге сын-пикирин билдирди. Андан сырткары, директор Шаар куруу жана архитектура боюнча мамлекеттик долбоорлоо институтунун эмгек жамааты менен биргеликте жыйын өткөрдү. Анын алкагында кызматкерлерге тийиштүү тапшырмалар берилди.
