Кыргыз Республикасынын Министрлер Кабинетине караштуу Архитектура, курулуш жана турак жай-чарба мамлекеттик агенттиги Жалал-Абад шаарында Европа өнүктүрүү жана реконструкциялоо банкынын каржылоосу менен “Жалал-Абад шаарынын суу жана саркынды суу тутумун реабилитациялоо” долбоорунун экинчи фазасы ишке ашырып жатат. Анын алкагында шаардын С.Ибраимов, Балтагулов көчөлөрүндө саркынды суу түтүктөрү орнотууда.

Мындан сырткары, шаардын Спутник, Көк-Арт кичи райондорундагы бир топ көчөлөрдө суу түтүктөрүн орнотуу иштери жүрүп жатат.

Жалпысынан экинчи фаза менен шаарда 8 чакырым саркынды суу түтүктөрү жана 40 чакырым суу түтүктөрү тартылат. Ошондой эле, №2 саркынды сууларды кабыл алуу жайы жаңыланат.