Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин Ош облусутук капиталдык курулуш башкармалыгы тарабынан Ноокат районуна караштуу Мирмахмудов айыл өкмөтүнүн Кара-Кокту айылында жайгашкан 150 орундуу мектебинин курулушу башталды.
Объекттин курулушуна республикалык бюджеттин эсебинен каражат бөлүнгөн. Курулуштун наркы 75 058,891 миң сомду түзөт.
2024-жылдын иш планына 5 000,0 миң сом каралып, толук каржылоо ачылган.
Пландык долбоордо объектинин жалпы аянты 1281,8 чарчы метрди түзүп, окуу имараты 2 кабаттан турат. Жуунучу жана чечинүүчү жайы менен спортзал да каралган.
