Мамкурулуш агенттиги тарабынан Жалал-Абад облусунун Базар-Коргон районунун Ооган-Талаа айылынын эли үчүн жаңы оорукана курулууда.
Оорукананын курулуш-монтаждоо иштери 75 пайызга бүткөрүлдү. Учурда сырткы фасаддын боё жана көрктөндүрүү иштери жүргүзүлүп жатат.
Объекттин курулушу 2019-жылдан бери республикалык бюджеттен каржыланып келет, эки кабаттуу имараттан турат, жалпы аянты 2379 чарчы метрди түзөт. Куруу иштерин “Сантехмонтаж” ЖЧКсы жүргүзүүдө. Үстүбүздөгү жылы курулушту толук бүткөрүү пландалып жатат.
