Мамкурулуш агенттиги тарабынан Чүй облусунун Сокулук районунун Манас айылындагы мектеп-лицейдин кошумча корпусу курулуп жатат. Мектептин курулушу 2019-жылы республикалык бюджеттин эсебинен башталган.
Курулуш-монтаждоо иштерин “Строй Компания Лидер Хаус” ЖЧКсы жүргүзүүдө. Долбоорго ылайык, төрт эки кабаттуу окуу корпустар жана ашкана 500 окуучу орунга ылайыкталган, жалпы аянты 3003 чарчы метрди түзөт.
Бүгүнкү күндө имараттардын 2-кабатынын дубалдары тургузулуп, темирбетон плиталарын орнотуу иштери жүргүзүлүп жатат. Үстүбүздөгү жылы курулушту толук бүткөрүү пландалууда.
