Мамкурулуш агенттиги Талас облусунун Бакай-Ата районунун Миң-Булак айылындагы Батырбашиев атындагы мектептин курулушун бутуруу алдында турат.
Мектептин курулушу 2015-жылы республикалык бюджеттин эсебинен башталган. Курулуш-монтаждоо иштери «Бек-Курулуш» ЖЧКсы тарабынан жүргүзүлүүдө.
Долбоор боюнча мектеп төрт блоктон турат, эки кабаттуу 375 окуучуга ылайыкталган окуу корпустар, спорттук зал, өтмө галерея. Объекттин жалпы аянты 2859 чарчы метрди түзөт.
Бүгүнкү күндө, курулуш-монтаждоо иштери 96 пайызга бүткөрүлдү, учурда спорттук залдын ички жумуштары аткарылууда.
