Мамкурулуш агенттиги тарабынан Жалал-Абад облусунун Сузак районунун Миң-Өрүк айылындагы №6 Т.Темирбаев атындагы мектеп-гимназия толук капиталдык оңдоп-түзөөдөн өтүп, 2-сентябрда пайладанууга берилди.
Ачылыш аземге Жогорку Кеңештин депутаты Шайырбек Ташиев, Мамкурулуштун директору Нурдан Орунтаев жана орун басары Талант Иманакун уулу катышты.
Мектеп 1976-жылдары курулган, ошондон тарта капиталдык оңдоп-түзөөдөн өткөн эмес. Быйыл, 2024-жылдын июнь айында республикалык бюджеттин каржылоосу менен оңдоп-түзөө иштери башталган.
Билим ордо 650 окуучуга ылайыкталган, 3-кабаттуу окуу корпусу, актовый залы, ашканасы, спорттук залы жана өтмө галереясы бар.
Мектепте 2023-2024-окуу жылдары 1057 окуучу билим алган.
