3-октябрда Кыргыз Республикасынын Министрлер Кабинетинин алдындагы Архитектура, курулуш жана турак-жай-коммуналдык чарба мамлекеттик агенттигинин
имаратында “5-октябрь – Кыргызстанда кырсыктардын тобокелдигин азайтуу күнүнө” карата машыгуу уюштурулду.
Коопсуздук иш-чарасы саат 10:00дөн 11:00гө чейин Бишкек, Ош шаарларында жана облус, райондордун борборлорунда өткөрүлдү. Ага республиканын бардык мамлекеттик ведомстволору, билим берүү мекемелери, менчигинин түрүнө карабастан мекеме-ишканалар катышты.
ӨКМден билдиришкендей, машыгуу өзгөчө кырдаалдар катталган учурда жарандардын өзүн алып жүрүү, адам өмүрүн сактоо, материалдык чыгымдарды азайтуу максатын көздөйт.