Мамкурулуштун директору Орунтаев Нурдан Кемеловичтин демилгеси менен Курулуш ченемдерин жана Эрежелерин жаңыдан иштеп чыгуу боюнча жумушчу топ түзүлдү. Анын алкагында директордун орун басары Т. Иманакун уулу Куруучулар союзунун төрагасы А. Молдобаев , Сейсмотуруштуу курулуш боюнча эксперттердин эл аралык ассоциациясынан У. Бегалиев жана бул тармактагы башка адистер менен биргеликте жыйын өткөрүштү. Анда курулуштун сапаты, колдонулган материалдар жөнүндө жана жарандардын буга байланыштуу коопсуздугу тууралуу талкуу жүрдү.
