Ош облусунун Ноокат районуна караштуу Т.Зулпуев айыл өкмөтүнүн Кашкалдак айылында 120 орундуу бала бакча курулду.
Объекттин курулушу 2015-жылы республикалык бюджеттин эсебинен башталган. Бала бакчанын имараты 2 блоктон турат, жалпы аянты 1281,6 чарчы метрин түзөт.
Долбоорго ылайык, бакчада балдар үчүн уктоочу бөлмөлөр, ашкана, музыкалык кабинет, гимнастика менен машыгуу залы, дарылоо кабинети каралган.
