Мамкурулуш агенттигинин алдындагы Турак жай-жарандык курулуш департаментинин директору Ислан Момоконов Чүй облусу Сокулук районундагы Алымкул Жакшылыков атындагы №1 мектеп-гимназиясынын 150 орундуу кошумча корпусунунун курулуш-монтаждоо иштерин жеринде текшерди.
Мектептин курулушу 2016-жылы башталып, техникалык мүчүлүштүктөрдөн кийин курулуш иштери токтоп турган. Быйыл, республикалык бюджеттин эсебинен каржыланып, Жер титирѳѳгѳ туруктуу курулуш жана инженердик долбоорлоо мамлекеттик институтунун корутундусу алынып, курулуш иштери жанданган.
