КР Мамкурулуш агенттигинин директору Н.К Орунтаев Кытай Эл Республикасынын Синьцзян-Уйгур автономдуу районунун (КЭР СУАР) Үрүмчү шаарына болгон жумуш сапарынын алкагында, “Кытай-Евразия ЭКСПО ” 8-эл аралык көргөзмөсүнө катышты.
Анын алкагында СУАР Өкмөтүнүн Аппаратынын Турак жай курулуш, шаар жана айыл аймактарын өнүктүрүү башкармалыгынын башчысы Сун Яцзюнь жана бир катар Департаменттердин, компаниялардын жетекчилери менен жолугушуу өткөрүлдү.
Жолугушуунун жүрүшүндө курулуш стандарттары, өзгөчө жер титирөөгө туруктуу курулуш стандарттары жаатында эки тараптуу кызматташтыкты мындан ары өнүктүрүү маселелери талкууланды. Тараптар көп кабаттуу турак-жай жана коомдук имараттардын, ошондой эле социалдык объектилердин типтүү долбоорлорун изилдеп, кабыл алууну макулдашты.
