Кара-Суу районундагы Төлөйкөн айыл аймагынын Жапалак айылындагы бала бакчанын курулушу 2022-жылы башталып, имарат 2 кабаттан туруп, кубаттулугу 75 орунга ылайыкташтырылган.
Долбоорго ылайык, жаңы бакчада сабактарды жана оюндарды өткөрүү үчүн атайын класстар, балдар үчун ыңгайлуу уктоочу бөлмөлөр, кийим алмаштыруучу жайлар бар. Ашкана, ага кошо жашылча-жемиштерди жана кургак азыктарды сактоочу кампа, санитардык түйүндөр каралган. Мындан сырткары медициналык кабинет жана музыкалык сабактар бөлмөсү түзүлгөн.
Бала бакчанын аймагында балдар үчүн атайын жабдуулары менен оюн аянтчалары курулду.