2024-жылдын 12-январында жеңил ичке дубалдуу конструкциядан курулган 3 кабаттуу имарат жер титирөөгө туруктуу динамикалык сыноонун 2-этабынан өткөрүлдү. 1-этапта имарат жеңил конструкцияланып, 7,5 баллдык жер титирөөгө туруштук берген. 2-этапта курулуштун дубал-панелдери жабылып, имараттын ичи эмерек менен толукталган абалда сыноодон өткөрүлүп, көрсөткүч 8,4 баллга жетти.
Сыноонун жыйынтыктары менен жаңы курулуш эрежелери иштелип чыгат.
Иш-чарага Мамкурулуштун директору Нурдан Орунтаев, анын орун басары Талант Иманакун уулу, Мамкурулушка караштуу Жер титирөөгө туруктуу курулуш жана инженердик долбоорлоо мамлекеттик институтунун директору Кенжетаев Камчыбек жана тийиштүү адистер катышты.
