Мамкурулуш «ДСК Азат» жана «Стройсервисплюс» курулуш компанияларын пландан тышкаркы текшерди
КР Мамкурулуш агенттигинин директору Нурдан Орунтаевдин тапшырмасы менен Бишкек шаардык архитектура-курулуш көзөмөлү башкармалыгы (мындан ары - Башкармалык), ошондой эле Башкармалыкка келип түшкөн арыздын негизинде Кыргыз Республикасынын экономика жана коммерция министрлиги менен макулдашуу менен «Азат» жана «Стройсервисплюс» курулуш компанияларында пландан тышкаркы текшерүү жүргүздү.
Текшерүүнүн негизги максаты – каркассыз көп батирлүү чоң панелдүү турак жайларды курууда колдонуу үчүн чыгарылып жаткан ири панелдүү темир-бетон буюмдарынын, ошондой эле башка темир-бетон буюмдарынын сапатын көзөмөлдөө.
Башкармалык тарабынан мындан ары дагы ири панелдүү жана ар түрдүү максаттагы башка темир-бетон буюмдарын чыгарууга багытталган башка ишканаларды текшерүүгө алынаары пландаштырууда.
Мындай текшерүүлөр жалпы республиканын курулуш тармагынын сапатын контролдоо боюнча зарыл чаралардын бири болуп саналат жана келечекте аталган иш-чаралар адаттагыдан көп болот.
Текшерүүнүн жыйынтыгы боюнча текшерилүүчү субъекттерге өндүрүлгөн продукциянын сапатын контролдоону жакшыртуу боюнча сунуштар берилет.
