Буга чейин, Бишкек шаары боюнча мамлекеттик архитектура - курулуш контролдоо башкармалыгы тарабынан "Комстройсервис" ЖЧКсына карата административдик чаралар көрүлүп, иш сот органдарына өткөрүлүп берилген.
Учурда соттук териштирүүлөр жүрүп жатат, бирок Мамлекеттик архитектура-курулуш контролдоо департаментинин директору менен биргеликте жүргүзүлгөн рейддин жүрүшүндө, "Комстройсервис" ЖЧКсы тарабынан Достук кичи районундагы 11/1 үйүнүн жайгашкан имараттын сырткы жылуулоосун орнотуу иштери жүрүп жатканы аныкталды.
Биринчи талап менен курулуш-монтаждоо иштери токтотулуп, жумушчу персоналы курулуш объектисинен чыгарылды. Мамлекеттик архитектура-курулуш контролдоо башкармалыгы Мамкурулуштун дарегине жогоруда аталган шаар куруу субъектисин лицензиясынан ажыратуу жөнүндө маселенин кароо үчүн кат жөнөттү.
