Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттиги «Temelsu» компаниясынын консультанттары, Кыргыз Республикасынын Транспорт жана коммуникациялар министрлигинин ГРИП АБР инженерлери, ошондой эле Кыргыз Республикасындагы "№5 Кытай темир жол инженердик группалык компаниясынын" ФКОО подрядчылары менен биргеликте БАРЭК (Борбордук Азиялык региондук экономикалык кызматташтык Программасы) коридорун жакшыртуу долбоору боюнча Бишкек-Ош, Бишкек-Кара-Балта автожолунун курулушун текшерүүдө жол тилкесинин сапаты боюнча көптөгөн сын-пикирлер жана дал келбестиктер аныкталды.
Жыйынтыгында Мамкурулуштун алдындагы Мамлекеттик архитектура-курулуш контролдоо департаменти жол тилкесинин сапаты боюнча аныкталган сын-пикирлерди жана дал келбестиктерди жоюу үчүн толук чараларды көрүү боюнча тиешелүү тапшырмаларды берди.
Азыркы учурда подрядчылар тарабынан курулуп жаткан жолдун үстүнкү катмарын алмаштыруу боюнча иштер жүргүзүлүүдө.
